حالة من الجدل أثارتها الفنانة فريدة سيف النصر في الساعات الماضية بعد حديثها عن الحجاب وسبب خلعها له في الوقت الحالي، لتشير إلى أنها تخطت سن الستين والمرأة في هذا السن شرعا يجوز لها خلع الحجاب ولا تعاقب على هذا الأمر.

فريدة سيف النصر تثير الجدل بفتوى جديدة

وقالت فريدة سيف النصر في تصريحات رصدها موقع تحيا مصر خلال لقاءها في برنامج وشك مكشوف والمذاع على قناة هي: أنا خلاص عديت مرحلة لبس الحجاب، طالما تخطيت سن الـ60 وفقا للشرع من حقي أخلع الحجاب، والست لا تعاقب بعد الـ60 على خلع الحجاب، وشايفة إن الست  اللي لسه حلوة وجميلة مينفعش تخلع الحجاب حتى لو بعد سن الـ60، وفيها إيه لو حافظت على اللبس المحتشم بدون ارتداء الحجاب سواء كنت صغيرة أو كبيرة.

واختتمت فريدة سيف النصر حديثها، قائلة: الاحتشام من الشياكة والأناقة، وارفض العري وفتحات من فوق ومن تحت دي حاجة صعبة لأي ست.

تصريحات فريدة سيف النصر عن مسلسل العتاولة 

وكانت قد تحدثت فريدة سيف النصر في نفس اللقاء عن العتاولة، قائلة: أنا اللي سميت سترة العترة.. والشخصية دي بنتي.. خدوها مني، أنا مش زعلانة على نفسي.. أنا خايفة على اللي ظلموني، لأني عمري ما ظلمت حد.. كانوا بيخلوني قاعدة 7 أيام من غير تصوير، والشباب الصغيرين اللي في المسلسل كانوا بييجوا يطبطبوا عليَّ عشان كانوا حاسين بيا.. مجهودي اتسرق ومش مسامحهم.

وتابعت في حديثها: أنا تعبت علشان أحضر للدور، وفجأة لقيت حد تاني بيقدمه!، مش هشتغل مع أحمد خالد موسى تاني.. خلصت.

اختفاء فريدة سيف النصر من العتاولة 

وكانت قد أحدثت الفنانة فريدة سيف النصر جدلا كبيرا في رمضان المنقضي بعد اختفاءها بشكل مفاجئ من مسلسل العتاولة، مشيرين إلى أنها توفت ضمن أحداث العمل دون الكشف عن كيف انتهى أمرها أو اي شيء اخر، ما أكد إلى وجود خلاف قوي نشب بينها وبين صناع العمل، ولكن نفوا كل المشاركين في مسلسل العتاولة هذا الأمر، وعلقت الفنانة، قائلة: لم أتواصل مع المخرج منذ قراره بانتهاء دوري وهو قال كده في مقابلة وأنا مش محتاجة اتواصل معاه لأنه زي ابني وانا بحبه جدًا، لكن هو حس إني وصلت لأقصى ما يمكن في الشخصية لكني شايفة إنه ميعرفش إمكانياتي كويس.