قال الإعلامي تامر أمين، بأنه واحد من جماهير الأهلي وأبناء النادي الأهلي، والأهلي هو الحاجة الوحيدة الحلوة اللي في حياتنا وبيطبطب علينا وعلى مشاكلنا، وهي علاقة تبادل وحب بين الأهلي وجمهوره، ويستعرض موقع تحيا مصر تصريحات تامر أمين.

تصريحات تامر أمين

وأضاف تامر أمين في تصريحاته مع سيد عبد الحفيظ في بودكاست القلعة الحمراء، متعرفش مين اللي بيفرح التاني أكتر هل الأهلي اللي بيفرح جمهوره ولا الجمهور هو اللي بيفرح الأهلي، وطقوس رمضان بالنسبالي طبيعية جداً والقهوة بالنسبالي مهمة وبتعب في رمضان بسبب القهوة وبحاول أصحى متأخر.

وأكمل تامر أمين، بعيش مع القرآن في رمضان من بعد العصر وبعد الفطار مع العائلة المصرية، وليس لي أي علاقة بالأعمال المنزلية، ونصيحتي لكل الأزواج لو عاوز تقطع رجلك من المطبخ أدخل أعمل مصيبة ومراتك هتقولك متجيش هنا تاني.

وزاد تامر أمين، والدي الراحل أمين بسيوني رئيس اتحاد الإذاعة والتليفزيون السابق وأحد مؤسسي الإذاعة المصرية في منتصف القرن الماضي، وأبويا كان الأيقونة والأب الروحي ووالدتي عفاف يحيى كانت صحفية مميزة، وبناتي نور وملك وزوجتي كلهم أهلاوية.

تامر أمين مع سيد عبد الحفيظ

وأشار تامر أمين، أنا أهلاوي بجد وأهلاويتي بتخليني أقول الحق دايما ومش بفكر في ردود الأفعال وأنا من أوائل الإعلاميين اللي كسر فكرة أنا زمهلاوي في برنامج البيت بيتك، وأي مشجع له انتماء ومش بحب أضحك على الجماهير، والمشاهد الزملكاوي له مني كل الاحترام وأقول الحق دايما.

واختتم تامر أمين تصريحاته، أنا بتابع كل المباريات لكل الفرق وعندي شاشة لواحدي في البيت كلها ماتشات وبس، وفيه إعلاميين بيحبوا ياكلوا عيش ويمشوا جمب الحيط وفي إعلاميين بيحبوا الصدامية وأنا بحب النوع ده، لأن الصدامات هي اللي بتغير كل حاجة عاوزين نغيرها ومش بزعل من أي حد بيكرهني.