تحدث المخرج محمد سامي عن سبب خلافاته مع عدد كبير من النجوم، وذلك من خلال لقاء له في أحد البرامج التلفزيونية.

محمد سامي: أي حد اختلفت معاه بليد وفاشل

وقال محمد سامي في تصريحاته التي يرصدها موقع تحيا مصر: الناس اللي اشتغلوا معايا يا ناس بتحبني جدا يا ناس مبتحبنيش خالص، اسألوا أنت بتحب محمد سامي؟ يقولك جدا دا جميل وذوق ومحترم وظريف وفنان الشخص دا شاطر، لو قال محمد سامي دا ابن كذا دا بليد وفاشل، أنا لا أقبل الفشل على الإطلاق، أنا أي حد اختلفت معاه بليد وفاشل لأن أنا بقدس الشاطر.

محمد سامي: في كل خلافاتي بكون أنا على حق

وتابع محمد سامي: في أشخاص بليده يجي متأخر ومش حافظ ومش عامل شغله وبيفتي، بقعد شوية وبعدين مش بقدر، أنا مش ملاك وأنا شخص عندي مشكلة في الانفعال أكيد مش كل خلافاتي دي وأنا حمل وديع، أنا شخص في كل الخلافات اللي عملتها في حياتي كنت صاحب حق فيها ولكن ردود أفعالي عليها كانت بتغلطني أنا شخص لما بتعصب صعب السيطرة عليا.

واضاف: أنا ببقى في موقف لو سكت في اللحظة دي كل الناس هتغلط الطرف الآخر لكن ردود أفعالي على الموقف بتنسي أصلا الشخص كان بيعمل إيه ففي الآخر بطلع من الحكاية مظلوم أنا الشخص قليل الأدب اللي اتخانقت وشتمت مع أن لو رجعنا لأصل الحكاية أنا كنت على حق.

رد محمد سامي على طارق لطفي

وسبق وأن حرص المخرج محمد سامي الرد على تصريحات الفنان طارق لطفي الأخيرة، حول رفضه المشاركة في مسلسل كلام على ورق بسبب دور غير أخلاقي، وذلك من خلال منشور عبر حسابه الشخصي على موقع التواصل الاجتماعي فيسبوك.

وكتب محمد سامي في منشوره الذي يرصده موقع تحيا مصر: ردا علي كلام طارق لطفي المنتشر اليومين دول اولا طارق ممثل محترم و انسان جمیل و اشتغل معايا مرتين مرة في مسلسل مع سبق الإصرار و مرة تانية في مسلسل حكاية حياة، وأعتقد الدورين كانوا مهمين و محترمین جدا و حقق فيهم نجاح مهم، بعدها عرضت عليه دور في مسلسل كلام علي ورق و حصل خلاف انتاجي علي الأجر تقريبا و علي مساحة الدور، و عمل الدور ساعتها الراحل الجميل الأستاذ حسين الإمام والكلام ده سنة ٢٠١٤ يعني من ١١ سنة.