أكدت الفنانة صابرين على أن ارتداء الحجاب وخلعه كان أصعب قرار في حياتها، وذلك خلال لقاء لها بأحد البرامج التلفزيونية المذاعة خلال الموسم الرمضاني الجاري.

تصريحات صابرين عن الحجاب

وقالت صابرين في تصريحاتها التي يرصدها موقع تحيا مصر: أصعب قرار اخدته في حياتي اني اتحجبت واني قلعت الحجاب.. قبل ما اخلع الحجاب مكنتش راضية عن نفسي.. والباروكة كنت بقنع نفسي بيها وفي الاخر لا يكلف الله نفسا الا وسعها وفي النهاية قررت يا كدا يا كدا.. كنت بتلكك أني اقتنع بالباروكة واني صح.. الحجاب هنحطه هنحطه لما نموت كدا كدا هنلبسه.

أما عن فيلم الملحد قالت صابرين: نفسي الفيلم ينزل.. رسالة الفيلم عظيمة جدا وهو من الافلام اللي تعبت فيها اوي.

صابرين تتحدث عن زوجها

وفي اللقاء ذاته تحدثت صابرين عن زوجها، وقالت: عامر لو كان جوزي من البداية كان ممكن ننفصل عشان مشاكل الاولاد وشغلي وشغله .. احنا رجعنا لبعض واحنا مختارين بعض.. وعمرنا ما اتخانقنا واحنا صغيرين.. ودلوقتي احنا بنونس بعض.. لو كان اولادي رفضوا الجوازة كان هيرفض عشان هو بيحبهم، وانا مكنتش هعمل حاجة من غير رغبة اولادي.. ومن أول مكالمة ليا بعد الطلاق قالي أنا جاي اتجوزك وكنت فاتحة الاسبيكر وأولادي سامعين.. ربنا بستر ومنتطلقش، وبرفض اشتغل اي حاجة من انتاج جوزي وأول حاجة هنتعاون فيها هتكون للأطفال.

تفاصيل فيلم الملحد

و من الجدير بالذكر، أن فيلم الملحد تدور أحداثه في إطار درامي، حيث يتناول العمل قضية التطرف الديني والإلحاد التي تصيب الشباب وتنتشر بينهم، وتأثير انتشار مثل هذه الظواهر على الأفراد والمجتمع.

ويشارك في فيلم الملحد عدد كبير من النجوم والنجمات، منهم: أحمد حاتم إلى جانب كلا من النجوم محمود حميدة، صابرين، شيرين رضا، تارا عماد، نجلاء بدر، هشام عاشور، أحمد السلكاوي، فضلا عن مشاركة الفنان الراحل مصطفى درويش به، وهو من تأليف إبراهيم عيسى، وإخراج ماندو العدل، وتم تأجيل عرض الفيلم في دور العرض السينمائية أكثر من مرة بسبب قضيته الشائكة وتحفظات الرقابة.