كتبت.. آلاء محمدي
كشف النجم أحمد العوضي في حوار صريح وكامل عن العديد من الأسرار والكواليس في حياته الشخصية والفنية، وذلك خلال استضافته في برنامج "الراديو بيضحك" مع الإعلامية فاطمة مصطفى، وتصدرت تصريحات العوضي عناوين الأخبار، خاصة فيما يتعلق بحياته العاطفية ومسلسله الرمضاني "فهد البطل".
قصة حب أحمد العوضي
أكد أحمد العوضي أنه يعيش قصة حب قوية سوف تتوج بالزواج بعد شهر رمضان المبارك أو بعد شهر ونصف على أقصى تقدير، ورغم إلحاح الإعلامية فاطمة مصطفى، رفض العوضي الكشف عن هوية عروسه المستقبلية، مؤكداً أنه سيعلن عن ذلك في الوقت المناسب بعد انتهاء شهر رمضان.
رد أحمد العوضي على مقدمة رامز جلال
لم يفوت العوضي فرصة الرد على مقدمة الفنان رامز جلال في برنامجه الرمضاني، حيث قال "رامز جايبني في أول حلقة من البرنامج عشان أنا أنجم ضيف عنده، والبرنامج ينجح ويجيب مشاهدات، ولو جاب حد تاني البرنامج مكنش هيجيب مشاهدات، أنا مش هزعل عشان أخوه حبيبي ياسر جلال يكرم".
مقارنة أحمد العوضي بـ محمد رمضان
تحدث أحمد العوضي عن مقارنته بالفنان محمد رمضان، وأوضح قائلاً "أنا مبحبش أرد على أي نقد أو أي حاجة قبل ما المسلسل يتعرض، لأن الشغل دايمًا هو اللي بيرد، أصل فكرة أني أطلع أرد، ده معناه إنه بيغلط في شخصي، بس هو مبيغلطش في شخصي، هو بيشوف وجهة نظر سابقة، لكن أنت مشوفتش، أنت لما تشوف حامد الجارحي، راجل قوي بدنيًا وصوته غليظ، كلها حاجات بتتطبق على العبد لله".
وأضاف قائلاً "أنا مش عامل دور الأب كنمرة لا، أنا عامله لحاجة معينة عشان أربطك بالواد، وخصوصاً إن دور الأب حلقتين كاملين، وإزاي أنت داخل تتفرج على مسلسل العوضي ومتلاقيش العوضي أول حلقتين إزاي؟ ده موضوع بيتعمل في العالم كله، وبيتعمل في مصر من زمان، وأستاذ نور الشريف كان بيعمله، ودي حاجة مش وحشة بدليل أنها نجحت".
أخبار متعلقة :