ميرنا وليد: رمضان هو لمة العيلة في أغلب البيوت المصرية - شبكة أطلس سبورت

وتقول ميرنا وليد: فيه أسر خاصة ربات البيوت تعتقد أن اهم شيء في رمضان تكون مائدة الإفطار مليانة أصناف..مع ان ديننا يؤكد علي الاعتدال في كل شيء خاصة الطعام..الأهم في رمضان عندي هو لمة العيلة بناتي وزوجي وقرايبنا نتقابل سوا لأن طول السنة ممكن نكتفي بالمكالمات او حتي رسايل الواتس ونادرا ما نلتقي ودا أكيد في معظم البيوت بسبب المشاغل وضغوط الحياة لكن شهر رمضان بيغير كل دا تماماً ودي عظمة هذا الشهر الكريم انه بيقرب الناس من بعض .ويزيد احساسنا بالآخرين حتي لو لانعرفهم من خلال الإكثار من عمل الخير ووجود مواءد الرحمن غي كل في مصر أجمل حاجة في بلدنا لأنها بتثبت عمليا ان شعبنا بخير وكلنا قلبنا علي بعض خاصة في الظروف الصعبة التي تمر بها منطقتنا العربية ويارب الأمان والسلام لأهالينا في فلسطين ويحفظ بلدنا وكل البلاد العربية.

وتكمل الفنانة ميرنا وليد:
في رمضان أيضاً لا انسي جروب المدرسة أصحاب عمري لحد دلوقتي لازم نتقابل في رمضان ومعانا أولادنا عشان يستمر التواصل بيننا لأن صداقة المدرسة تكون أهم وأقوي أنواع الصداقة لأنها بلا مصالح، أهم شيء فيها الحب والشفافية ودا اللي بحاول أعلمه لبناتي انهم لو اختاروا الأصدقاء صح هيكملوا معاهم مشوار العمر.

وتقول ميرنا وليد:
كل رمضان يمر عليا أفتكر اني كنت ماضية عقد مع التليفزيون أعمل الفوازير في رمضان وكان المخرج هو محمد عبدالنبي وبعد ما سافرت باريس اشتري الملابس حدث خلاف وتوقف المشروع نهائياً.. لكن حلم العمل الاسنعراضي اتحقق لما عملت مسرحية "قمر الغجر" علي مسرح البالون العام الماضي وقدمت فيها 8 استعراضات مختلفة.

يمكنك مشاركة الخبر علي صفحات التواصل