محمد بركات: أبو تريكة من الشخصيات المؤثرة في تاريخ مصر والأهلي كرويا.. وسعيد بوجودي في إعلان شركة القلعة الحمراء - شبكة أطلس سبورت

تحدث محمد بركات نجم الأهلي السابق ومنتخب مصر، عن سعادته بشأن استاد الأهلي، وعلاقته الخاصة مع محمد أبو تريكة، خلال مسيرته الكروية، ويستعرض موقع تحيا مصر التفاصيل.

محمد بركات مع بودكاست القلعة الحمراء

استهل محمد بركات حواره: “أنا سعيد بوجودي في إعلان شركة القلعة الحمراء، وشرف كبير ليا، ودايما اتعودنا مع الأهلى على العظمة”. 

وتابع عبر بودكاست القلعة الحمراء: “سعيد إني جزء بسيط من الإعلان، لما ظهرت حسيت بتقدير كبير من النادي الأهلي، وخصوصا أنه بيديلك رسالة أنه بيقدر كل نجومه اللي تعبوا على مدار مشوارهم مع النادي”.

وأكمل: “في ناس بتقول عليا مش إجتماعي، ودا فعلا حقيقة، أنا معنديش صحاب وأنزل معاهم ونخرج ونتقابل، مفيش الكلام دا عندي، بخرج لو عندي شغل بس”.

تصريحات محمد بركات عن أبو تريكة

وأشار: “تريكة من الشخصيات العظيمة المؤثرة في تاريخ مصر والنادي الاهلي كرويا، شوف الناس بتتكلم عن تريكة جوا الملعب إزاي ولكن برا الملعب أحسن بكتير وبيحب الخير للجميع، تريكة صاحب صحبه وجدع وكل حاجه، ووحشني بصراحة، بقوله انت وحشتني ووحشني كل لمساتك اللي كنت بتعملها في الملعب”.

وزاد: “أبو تريكة كان لاعب عظيم أوي كنت بجريله على المغمض وهو على المغمض كان يعمل كدا وكدا برجله وأي حد في ثانية كان بيوديه للجول”.

وواصلك “تريكة وقف جمب الاهلي في لحظات صعبة كتير جداً، ودايما بحكى موقف مباراة الملعب المالي ولما كنا خسرانين 0/1 في مباراة الذهاب، وهنلعب ماتش العودة وكانت درجة حرارة تريكة عالية وقالوا له خليك برا الماتش دا احسن، وكان رافض يخرج وقالهم لا، وقعد احتياطي وخسرنا الشوط الاول 0/1 ونزل الشوط الثاني سجل 3 أهداف”.

وأتم محمد بركات حديثه: “الجيل بتاعنا كله كان عظيم، ولما بقعد أفتكر اني كنت بلعب مع فلان وفلان بتخض، ولكن بتتشرف إنك كنت مع المجموعة دي، ولكن أبو تريكة كان عنده اللمسة الزيادة الحلوة والجميلة، وكنت بهزر مع تريكة بقوله انت بتعمل الباص كدا ازاي بـ وشك رجلك، دا انا لو عملتها زيك الكرة مش هتمشي خطوتين”.