ربنا أنقذني من المخدرات وعادل إمام بيهزقني.. أبرز تصريحات أحمد الفيشاوي - شبكة أطلس سبورت

حل الفنان أحمد الفيشاوي ضيف على برنامج أسرار والذي تقدمه الإعلامية أميرة بدر على شاشة قنوات النهار، وصرح من خلاله بالعديد من التصريحات الهامة والمؤثرة والمثيرة للجدل والتي ينقلها موقع تحيا مصر خلال التقرير الآتي.

أحمد الفيشاوي: عادل إمام كل أما يشوفني يهزقني 

تحدثت أحمد الفيشاوي عن علاقته بالزعيم عادل امام، قائلا: بموت في عادل إمام وهو بيحبني زي أولاده ولما بيشوفني يهزقني واحنا حرفيًا عائلة واحدة والناس دي أعمامي إخوات أبويا وأولادهم إخواتي، وأما شاف مسلسل تامر وشوقية، وقال لي دمك خفيف وأعتقد شاف حاجات تانية، وكلامه عن أدائي في تامر وشوقية كأنها شهادة على صدري.

وعن نجله محمد، قال أحمد الفيشاوي: محمد إمام هو أخويا وعشرة عمر وصديق الطفولة وأيضًا كريم محمود عبد العزيز والراحل هيثم أحمد زكي وعمر مصطفى متولى، كنا بنقضي معظم الوقت مع بعض في مرحلة الطفولة.

أحمد الفيشاوي: ولعت في فندق وأبويا دفع تمن تصليحه

وكشف أحمد الفيشاوي عن أكبر مصيبة قام بها، مشيرا إلى حرقه فندق، قائلا: أكبر مصيبة عملتها حرقت فندق كنت بلعب مع أصدقاء ليا والأوتيل كان فيه أرض واسعة زي المنتجعات اللي بتتعمل دلوقتي حدائق وأشجار وكان عندي 17 سنة، والفندق كان فيه شعلات داخلها زيت، قلت لأصحابي يلا نلعب تحطيب بشعلات الزيت واللى شعلته تتكسر وتنزل النار على الزرع يبقى هو الخسران فالنتيجة الفندق كله ولع والناس جريت.

وأضاف الفيشاوي: أبويا اللى تولى اصلاح الاوتيل وكان الفندق في القاهرة ووالدي اضطر يصلح الاوتيل وعمل اتفاق مع ملاك الفندق وقسط قيمة التصليح.

انا من غير ربنا كنت ضعت.. احمد الفيشاوي يكشف قصته مع ادمان المخدرات

وعن دخوله في مرحلة ادمان المخدرات على خطى والده، قال أحمد الفيشاوي: روحت لمرحلة شرب المخدرات وماكنتش هرجع وربنا انقذني وساعدت نفسي على العودة ومن غير ربنا كنت ضيعت، ودماغي اللي شدتني وأنا بحب اجرب وأشوف الحاجة جواها ايه، جربت الحاجات المميتة والهروين بيموت والخمرة كترها بيموت والحمد لله بعدت عنهم بأميال ودخلت مصحات وعندي مصحة بدخلها بشكل دوري وفي جناح باسمي في المصحة.

واضاف الفيشاوي: أنا بعالج نفسي لكن عمري ما أدمنت المخدرات لكن أنا بتعالج نفسيا ودخلت طريق المخدرات بمزاجي وخرجت بمزاجي.