حرصت الفنانة ملك زاهر على توجيه رسالة للمخرج محمد سامي وذلك بعد تعاونهم سويا في مسلسل سيد الناس والذي يتم عرضه في الفترة الحالية على شاشة قنوات mbc مصر ومنصة شاهد الالكترونية ضمن السباق الرمضاني 2025.

ملك زاهر توجه رسالة شكر للمخرج محمد سامي 

وكتبت ملك زاهر في منشورها الذي رصده موقع تحيا مصر عبر حسابها الرسمي بموقع تبادل الصور والفيديوهات انستجرام: بوست في حب و تقدير الاستاذ محمد سامي.. شكرا استاذ محمد علي الفرصة الي ادتهالي و الدور الي انا سعيدة و فرحانة من قلبي اني بعمله و شكرا عشان من غيرك ماكنتش حبيت الشخصية كده و عشت جواها و معاها و في وقت قليل جدا بقيت ميادة.

وتابعت ملك زاهر حديثها: شكرا يا استاذ عشان مش بتسيب ولا حد فينا من الكبير للصغير و شكرا عشان انت بتخاف علي ممثلينك و بتغير عليهم اكتر منهم هما شخصيا و عمرك ما بتعدي ولا حتي لو غلطة صغيرة عشان انت اكتر حاجة بتهمك هي الممثل بكل تفاصيله و عشان كده محدش غيرك بيعرف يجمع كمية النجوم الي كل واحد فيهم يشيل عمل لوحده في عمل واحد لأن كل ممثل عنده ثقة غير محدودة فيك و فإنك هاتطلعه بأحسن شكل.

ملك زاهر لمحمد سامي: انت أبويا التاني 

 واختتمت ملك زاهر حديثها: انا ماتوقعتش عمري رد الفعل ده علي الدور دلوقتي خصوصا ان الشخصية لسه هاتشد اكتر قدام بس حقيقي الي يطلع في مشهد في مسلسل لمحمد سامي بيتشاف و بيتميز بنفس القدر الي ممكن ياخده بعد ٣٠ حلقة من اي عمل تاني مش بس مشهد واحد حقيقي انا فخورة اني جزء من عمل مهم زي #سيد_الناس و فخورة اني كنت اختيارك و يارب اكون كنت قد الفرصه شكرا عشان اديتني الفرصة اكون ضمن مدرسة محمد سامي و شكرا عشان انت ابويا التاني يا سمسم بحبك.

يذكر، أن ملك زاهر قد تألقت بدور ميادة في مسلسل سيد الناس والذي يتم عرضه في الفترة الحالية على شاشة قنوات mbc مصر محققة نجاحات كبيرة وردود فعل إيجابية من قبل الجمهور خلال فترة عرض العمل.

تفاصيل مسلسل سيد الناس 

وتشارك ملك زاهر  في بطولة مسلسل سيد الناس إلى جانب كلا من النجوم؛ عمرو سعد وأحمد رزق منهم، إلهام شاهين، أحمد فهيم، بشرى، رنا رئيس، مؤمن نور، أحمد زاهر، منة فضالي، طارق النهري، ياسين السقا، وغيرهم عدد كبير من الفنانين والمسلسل من إخراج محمد سامي.