وأشاد بالمخرج محمد الخبيرى الذى اقترح تصوير المشاهد "وان شوت" وهو ما كان صعبًا على مشهد مدته 8 دقائق ولكنه أخرجه في النهاية بأفضل صورة ممكنه.

وكتب عمرو محمود ياسين على حسابه بموقع فيس بوك: "النهاردة وأنا بتفرج على مشهد العزاء في مسلسل وتقابل حبيب، رجعت بالذاكرة لورا، لليوم اللي صورنا فيه المشهد ده.. المشهد اللي كنا دايمًا أنا والمخرج محمد الخبيري بنتكلم عنه، وكل مرة كنت بسأله: هنعمله إزاي؟ بتفكر في إيه؟ لأنه كان من أكتر المشاهد اللي شايلين همها، بسبب عدد الممثلين الكبير، وطوله، وتعقيده".

وأضاف عمرو محمود ياسين: "لحد ما في يوم قال لي: أنا شايف إن المشهد ده لازم يبقى وان شوت. بصراحة كانت فكرة جريئة جدًا، والمغامرة فيها عالية لان المشهد مليان تفاصيل وعلاقات، بس لما دخلنا نصوره، أدركت قد إيه هو عنده رؤية واضحة للمشهد، التنفيذ مكانش سهل خالص.. المشهد مدته 8 دقايق كاملة، أي غلطة، مهما كانت صغيرة، سواء من الكاست أو الكرو، كانت بتخلينا نعيد من الأول.

وتابع عمرو محمود ياسين: "وفعلا اضطرينا نصوره أكتر من مرة، وكل مرة كان في غلطة هنا أو هناك، لكن كنا عارفين إننا بنحاول نعمل مشهد حلو. وفي النهاية، خبيري قدر ينفذ المشهد بشكل رائع، وخرج واحد من أقوى مشاهد الدراما. ولما انتهينا من تصويره، احتفلنا ساعتها وكأننا صعدنا لكأس العالم! الفرحة كانت حقيقية، لان فعلا تعبنا فيه وكل الكرو والممثلين بذلوا فيه مجهود.. بجد بقولها من قلبي برافو خبيري شغل عظيم، وإبداع يستحق كل التقدير، وإلى الأمام دائمًا.

مسلسل وتقابل حبيب بطولة ياسمين عبد العزيز وكريم فهمى، وخالد سليم، ونيكول سابا، وأنوشكا، وبسنت شوقى، وصلاح عبد الله، حنان سليمان، رشوان توفيق، محمود ياسين جونيور، منة عرفة، بسنت أبو باشا، إنجى كيوان، بتول الحداد، كريم عبد الخالق، حمدى هيكل، ريم رأفت، وعدد آخر من الفنانين، من تأليف عمرو محمود ياسين وإخراج محمد الخبيرى.

يمكنك مشاركة الخبر علي صفحات التواصل